Inihayag ni Punong Barangay Ernesto Pazziugan sa programang Tira Brigada na tukoy niya na ang ilang may kinalaman sa umano’y nakikihati ng pera sa TUPAD beneficiaries ng DOLE.
Ayon sa opisyal, lumabas sa imbestigasyon na may kinalaman ang mga lider di umano na mula sa Pamahalaang Panlalawigan.
Ang mga lider aniya na ito ang pumili ng mga taong isasama sa TUPAD program upang sila’y makinabang rin sa benepisyo.
Gayunpaman, hindi pinangalanan ng punong barangay kung sinu- sino ang mga kilala nyang dawit sa umano’y anomalya sa programa pero ipinarating niya na ito sa Sangguniang Panlalawigan.
