Gipaniguro ni Simplicio Sagarino ang labaw sa Davao City Anti-Scam Unit nga ilaha ng imonitor ang tanang social media platform aron masakpan kung si kinsa ang nagatanyag og Repa Paluwagan pinaagi online.
Dugang sa opisyal nga wala matud pa sila nagkulang og pahinumdom sa publiko nga dili muapil sa mga gipangtanyag nga Repa paluwagang “too good to be true” sanglit dili kini rehistrado sa SEC.
Una nang na alarma ang buhatan human anaa sa 80 ang midangop kanila human nga na scam sailang administrator sa Repang giapilan ug gani pipila na sab niini ang mipasaka og kaso.
Sa kasamtangan, tun-an matud pa sa buhatan kung unsang mga lakang ang angay’ng buhaton sa pag monitor sa media platforms aron hingpit na masikop ang mga tawong nagatanyag og dagkong kantidad. BNFM-Davao
