Ginmanduhan it Philippine National Police (PNP) ro tanan nga mga police units nga magpahaom it mga tikang kuntra sa mga krimen agud masiguro ro kaeuwasan ag seguridad it mga lokal ag foreign nga mga turista sa tunga it pageuwag it mga pandemic protocols sa nasyun.
Base kay PNP chief, General Dionardo Carlos, ro mga unit it PNP kapin eun ro Tourists Police Units (TPU) hay padayon nga nagapatuman it mga nakaigo nga kasuguan ag mga protocol sa kaeuwasan angot sa mga ginapatuman it IATF (Inter-Agency Task Force).
Ginaasahan nga magadagsa ro mga turista sa Boracay Island sa Aklan bangud raya ro nagapanguna nga destinasyon it turista sa nasyun.
Ginpahayag man it PNP chief sa publiko, kapin pa ro mga indibidwal nga tuyo magbakasyon sa Boracay nga mahugot nga sundon ro mga safety protocols sa tanan nga oras./JIL B. LACSON See less
