Naging eapnaag sa isla it Boracay ro illegal drug trade paagi sa online o social media.
Nagagamit makara ro mga drug users and pushers it serbisyo it mga couriers agud mahatod ro marijuana ag shabu sa mga customer nanda ag ro pagbayad hay ginahimo paagi sa mga online nga aplikasyon.
Kasunod kara, mas pabaskugon pa it mga anti-illegal drugs units ro andang kampanya kuntra sa ilegal nga droga sa Boracay Island.
Matandaan nga, ku Pebrero 17, sambilog ka drug peddler ro nadakop sa sambilog ka buy-bust operation sa Sitio Angol, Barangay Manocmanoc.
Arestado si Verano matapos magbaligya it ap-at ka sachet it dahon it marijuana sa balor nga P800 buy-bust money.
Ginhiwat it mga operatiba it Malay municipal police station ag Philippine Drug Enforcement Agency ro operasyon matapos nanda nga ma-monitor ro suspek nga sangkot raya sa aktibidad it ilegal nga droga sa isla./JIL B. LACSON See less
