Mipabor na sa gobyerno ang sitwasyon karon sa pakigbatok sa CPP-NPA-NDF kini tungod sa daghanang mga Indigenous Peoples (IPs) ang misalikway sa Communist Terrorist Groups (CTGs).
Sumala kang Police Regional Office XI Regional Director, Police Brigadier General Filmore Escobal, kaniadto maglisud ang otoridad sa paghikay og kaso batok sa mga rebelde tungod sa kahadlok sa mga IP’s mga motestigo batok sa walhong grupo.
Ang pahayag ni Escobal giluwat atol sa gilusad nga “In Search for the Truth: Rescue or Raid? Forum Discussion on IP Human Rights” sa milabayng June 9, 2021 sa Provincial Pavilion, Tagum City nga gisalmotan sa nareskyung kabataan ug mga ginikanan lakip ang mga kanhing mga rebelde nga nagyagyag sa kahiwian sa CPP-NPA-NDF.
Sumala nilang Juvany Diarog; Jolan Digaynon; ug Neil Calig-onan, mga kanhing MISFI Scholars sa Liceo de Davao ug Former KAGUMA (Katipunan ng mga Gurong Makabayan) ang mga batang myembro gihimong manggugubat samtang ilang gibutyag nga ang KAGUMA usa ka underground teachers’ organization sa CPP-NPA-NDF.
Gisaysay usab ni Awing Apuga, gideploy isip Head sa Education Committee sa Municipal Revolutionary Committee (MRC) sa Talaingod, siya ang gitahasan nga mang-recruit og kabataan gikan sa nagkadaiyang Salugpungan schools sa Talaingod.
Giangkon niini, dihang anaa na sila sa Haran COmpound dinhi sa Davao City, ubay-ubay ka tribo ilabi na ang kabataan ang namatay gumikan sa kakapoy, kalisud ug kagutom dugangan pa sa sakit.
Tungod niini gipasalig ni NTF-ELCAC Legal Cluster Spokesperson, Atty. Marlon Bosantog nga dunay padulngan ang mga kasong child abuse, violation sa international humanitarian law, human trafficking, ug uban pa sama sa pagsupak sa sanitation code nga gipasang-at batok sa nagdumala sa Haran Compound. BNFM-DAVAO
