Inalala ng ilang mga kaibigan at tagasuporta ni dating Pangulong Noynoy Aquino ang kanyang ika-3 death anniversary.
Sa X post ni dating Senador Leila de Lima, sinabi nitong lagi siyang magpapasalamat kay PNoy para sa tiwalang ibinigay nito sa kanya.
Lagi raw tinitiyak sa kaniya ng yumaong pangulo ang kanyang suporta – nung pinili niya ito bilang Justice Secretary hanggang sa mapunta ito sa pinakamahirap na yugto ng kanyang buhay.
Maliban kay de Lima, nagpahayag din ng kaniyang pasasalamat si dating senador Bam Aquino para sa pagtatanggol at pagmamahal umano ni former president Noynoy sa Pilipinas.
Samantala, dinaluhan naman ng ilang mga mahal sa buhay at supporters ng dating pangulo ang isang misa sa Manila Memorial Park sa Parañaque.
Kabilang sa mga ito sina dating Senate President Franklin Drilon, at ang anak ni Kris Aquino na si Josh.
