Nag pangayo it public apology ru 3 mga persona nga imbolbado sa vandalism nga gin himo sa comfort room sa likod it Aklan Provincial Hospital sa Veterance Ave . Kalibo.
Suno sa mga imbolbado, naga usoy eamang sanda it attention para masayuran ru andang skill sa artwork agud maipaabot ru andang mga hinaing.
Aminado ru mga imbolbado sa andang gin himo nga saea ag ikara gin taw-an it sanction ni Kalibo Mayor Juris Sucro.
Suno kay Brgy. Kagawad Mark Sy, aminado nga naugot ru alkalde sa gin himong pag pang malit apang gin taw-an it konsiderasyon bangud sambilog sa mga imbolbado hay may gina pangatubang nga masakit.
Umpisa makaron hasta hin-aga hay maga himo sanda it repainting sa nasambit nga lugar.
Kun matandaan, sambilog sa mga imbolbado hay sangka 25 y.o, sangka artist nga taga-Kalibo ag ru daywa hay taga-Banga nga mag maeanghod, edad 18 ag 22 anyos.//MARIVIC Y. ILIN
