DILI mabasol ang mga hotel ug pension houses nga gigamit isip quarantine facilities sa kalangan sa pagbayad ngadto kanila sa LGU-GenSan.
Kini ang pagtuo ni City budget officer John Philip Quimosing nga ang proseso sa gobyerno ang maoy mabasol niini.
Apan gitino sa opisyal nga bag-o moabot sa ilang opisina, adunay proseso nga agian, sama sa Bids and Award Committee alang sa procurement ug sunod na sa ilang buhatan.
Gibutyag usab niini nga may usa ka negosyante na nga nangutana kaniya kalabot sa payment sa hotel nga gigamit isip quarantine facility apan wala kini matubag tungod wala pay dokumento miabot sa City Budget Office.
Sa Supplemental Budget no.3 nga naaprobahan sa konseho, gibanabanaan ni Quimosing nga anaa sa P13 million niini ang pambayad sa utang sa mga hotel and pension houses sugod Enero hangtud Desyembre ning tuiga.
Samtang gitino nga SOP sa ilang buhatan nga kung may moabot nga dokumento, sulod lang sa usaka adlaw ang ilang pagproseso.
Kahibaluan nga apil giimbitahan si Quimosing sa regular session imaging adlaw alang sa question and answer portion sa maong singlunon sa mga hotel and pension houses nga dugay na usab natanggong.
