GIPASALAMATAN sa mga ginikanan sa Purok Vista, Barangay Sinawal, GenSan ang pagtunol kanila og school supplies alang sa ilang mga anak.
Matud ni Bainot Saban, 28-anyos, dunay tulo kaanak, naay nagtungha sa kindergarten ug grade 1.
Nagplano siya ug iyang bana nga traysikel drayber nga palitan na ang mga anak og school supplies.
Apan kinahanglan pa nilang motigum og salapi aron tagsa-tagsang mapalitan ang ilang mga anak sa panginahanglanon.
Sa paglakip sa anak sa natunolan og school supplies, nakunhoran sumala pa ang ilang problema sa pagsugod sa klase.
Ang mga nasangpit ang benepisyaryo sa Kabrigadahan- GenSan ug ang school supplies ang personal gitunol ni Ama sa Brigada, Idol Brigada Elmer V. Catulpos.
Gidasig niini ang mga ginikanan dungan sa Balik eskwela nga paningkamotan nga makahatag ang igong edukasyon sa mga anak luyo sa giatubang nga pandemya.
Angayan dili magpalupig sa hulga sa coronavirus ug bilib usab kini sa nakitang determinasyon sa mga ginikanan nga makab-ot ang edukasyon alang sa ilang mga anak.
