Mabibigyan na ng pwesto sa Olongapo City ang mga Fisherfolks Association ng Barangay Baretto.
Ito ay para maibenta ng mga ito ang mga produktong mula sa mga natutunan sa livelihood trainings na isinagawa ng Bureau Of Fishiries And Aquatic Resources o BFAR at ng lokal na pamahalaan.
Matatandaan na dati ay online selling lang paraan ng mga magtitinda dahil walang mapagpwestuhang akma para sa ibenebentang mga produkto.
Ayon kay Olongapo City Fishery Officer-In Charge Francis Ela Maniago sa ngayon ay tinugunan na ng lokal na pamahalaan ang hiling ng samahan na mabigyan ng pwesto sa city hall.
Samantala inaantay na rin lang ng city government kung kailan maglalagay ng mga produkto sa isa sa mga lugar sa city hall na inilaan para sa display ng mga produkto.//Michelle Lopez-BNFM OLONGAPO
Photo Courtesy: Marites Miranda
