LEGAZPI CITY – Balik-eskwela na ngunyan na aldaw an mga estudyante puon kinder sundo senior high school sa manlain-lain na mga pampublikong eskwelahan.
Huli kaini, piglalaoman ni Department of Education Bicol Regional Spokesperson Mayflor Jumamil na rurusoon ki mga estudyante an mga eskwelahan huli ta kadaklan sa mga ini an excited magklase tanganing mahiling an saindang eskwelahan o bagong mga kaklase.
Mientrastanto, maabot naman sa labi unmilyon na mga estudyante an nagpa-enroll para sa school year 2024-2025 sa rehiyon, kun sain basado sa Learners Information System – Quick Count Enrollment kan DEPED Bicol, igwa na nin total na 1,098,744 enrollees sa rehiyon na kumpwesto ki 167,793 estudyante gikan sa Albay, 141,773 sa Camarines Norte, nasa 242,505 sa Camarines Sur, 60,156 sa Catanduanes, 111,374 sa Masbate, mantang 119,371 naman an sa Sorsogon.
