Dili babagan ni Davao City Mayor Sara Duterte-Carpio ang mga eskwelahan nga makadesisyong ibalik ang in-campus ug face-to-face classes human sa duha ka tuig nga remote learning ug karong giluagan na ang community restrictions.
Apan giklaro sa opisyal nga kinahanglan hugot ang pagpatuman sa minimum public health standards (MPHS) aron masiguro ang kaluwasan sa mga estudyante ug magtutudlo.
Mamahimo nga moapply sa Department of Education alang sa ressumption sa face-to-face classes ang private ug public basic education institutions samtang ang mga colleges, universities o higher education institutions pwede nga modangop sa Commission on Higher Education (CHED).
Samtang gidugang sa alkalde nga walay natala nga dili maayong panghitabo ang DepEd-Davao gikan sa lima ka pilot schools sa syudad nga unang gitugutan makabalik sa face-to-face classes.
Ang pagsupurta sa lokal nga panggamhanan sa pagbalik sa face-to-face classes maoy usa sa mga lakang sa hinay-hinay nga pagbalik sa ubang mga aktibidad nga giundang ug gilimitahan sulod sa duha ka tuig tungod sa pandemya. BNFM-DAVAO
