Nabaton na sang mga empleyado sang gobyerno probinsyal ang ila mid-year bonus sang tinalikdan nga Mayo 15.
Suno kay Antonio Arbis, Provincial Budget Officer, ang budget sa mid-year ang ginkuha sa nabilin nga pondo sang probinsya. Dugang pa sini, ang mga regular employees lamang ang nakabaton sang bonus nga katumbas sang isa ka bulan nga sweldo kag wala sang kaltas. Samtang ang mga casual, contractual kag empleyado nga may pending nga kaso ang indi makabaton.
Ginpahayag naman ni Charmaine Quimpo, isa ka nurse, nga nasurpresa gid ini bangud temprano pa ginhatag ang ila bonus kag makabulig gid sa iya pamilya. | Judy Ann Juare
