Sa nikatap karon nga suspension order ni Lapu-Lapu City Mayor Junard Ahong Chan ug Junard Abalos, ang pangulo sa city social welfare and development office (CSWDO) gikan sa buhatan sa ombudsman niadtong Desyembre 2023, giklaro sa mayor nga na-dismiss na ang maong kaso.
Matud niya nga ni file ug motion for reconsideration ang iyang abogado.
“I just want to clarify noh, wala ta ma-suspenso.. Our lawyer filed a motion for reconsideration and it was granted.” – Mayor Junard Ahong Chan / Lapu-Lapu City
Ang ugat sa maong giingong suspension mao ang pagpasaka ug reklamo sa mga 19 ka mga daycare workers human nga wala sila ma sweldo-i sa tulo ka buwan.
Segun sa mayor nga niadtong Desyembre 2021, nakadawat ug reklamo ang iyang buhatan kabahin niini.
Maong gipa-imbestigahan kini niya sa iyang abogado ug niadtong Marso 2022, niingon ang city attorney nga walay basehan ang mga reklamo sa mga daycare workers.
Sa maong higayon, ni-mando siya nga ipa-hatag ang sweldo sa mga reklamante.
Apan nalangay kini tungod kay walay approved budget sa 2022 ug reenacted budget pa lang ang gigamit sa dakbayan. Na-aprobahan ang budget paghuman pa sa election 2022 ug bag-ong konseho na ang nilingkod.
Dugang sa mayor nga kahibalo na ang nga daycare workers nga walay basehan ang reklamo nga gipadangat sa CSWDO.
Sa buwan sa Hulyo, gikatingala sa mayor nga nakadawat sila ug suwat gikan sa Ombudsman.
“Natingala nalang mi, it was surprised.. nga nganong naa man ni siya nga ni-order naman ta to release”
Apan matud niya nga tungod kay nimando na siya nga ipa-release ang honorarium sa maong mga reklamante, 17 kanila ang nibuhat ug affidavit of desistance.
Walay insaktong petsa gihatag ang mayor kung kanus-a na-dismiss ang maong kaso apan buwan sa Pebrero sa dihang gipahibawo siya sa iyang abogado nga na-dismiss ang maong kaso.//
