UBAY ubay nga mga empleyado sa local government unit sa General Santos City ang naturokan og booster shots sa COVID-19.
Lakip ang ilang pamilya ang nakapahimulos sa booster shot nga gipahigayon mismo sa City Hall Lobby.
Ang vaccination roll-out nagtumong nga mapaduol pa ang booster vaccination ngadto sa mga empleyado sa gobyerno nga wala pa nakadawat og booster shots.
Subay sa Vaccine Statistics sa General Santos City as of September 27, 2022.
Anaa sa 919,528 ang total doses administered sukad March 28, 2021 hangtud September 27, 2022 kun anaa sa 88.9 percent sa total target population.
Sa maong ihap, anaa sa 413,653 ang first dose ug 412,209 ang second dose.
Samtang sa booster shots, anaa sa 84,154 ang first booster ug 9,512 sa second booster.
Una nang gipanawagan sa DOH ang pagpaturok og booster shot kung makumpleto na ang bakuna batok COVID-19 aron may igong proteksyon batok sa paggrabe sa maong sakit.
Gahuyang matud pa ang epekto sa bakuna pipila ka bulan pagkahuman makadawat niini, mao nga angayang magpa booster na human sa primary dose series.
