TAAS ang mahimong pahulay sa mga empleyado sa city government karong Semana Santa gumikan sa economic holiday nga kampanya ni Pangulong Ferdinand Marcos Jr.
Sa bahin sa local government unit sa General Santos City gisulti ni HRMDO Head Atty.Rosendo Roque nga pabor kanila ang taas nga holiday,may panahon ang mga empleyado sa gobyerno aron makauban ang pamilya ilabi na ang mga mouli pa sa ubang probinsiya.
Apan magpabilin sa duty ang mga empleyado nga gininahanglan sa matag adlaw nga operasyon sama sa tambalanan, quick response, security, public market, traffic enforcers, slaughterhouse ug AMPING.
Ang mensahe ni Atty Roque sa iyang mga sakop nga panahon karon sa pagpamalandong
Ilabi na sa paghuna-huna nga si Kristo gipadala sa Dios Amahan aron nga adunay kaluwasan ang katawhan nga napuno sa kasaypanan.
Kahibaluan nga walay trabaho ang taga City hall sugod Miyerkyles sa udto hangtud na sa sa Abril 12 hangtud na sa Abril 17,2023. I Ver Diazon
