GIDAKOP sa kapulisan ang duha ka mga wanted gumikan sa kaso nga may kalabotan sa Article 266-A sa Revised Penal Code kon sexual assault.
Sa Bula PNP naka kustodiya si Buen Serentas, 20-anyos, ulitawo nga naga trabaho isip pumpboy sa gasoline station, nagapuyo sa purok Estrella, Barangay Calumpang.
Ang dinakpan may kasong statutory rape ug walay pyansa nga girekomenda ang korte.
Ang warrant of arrest nga gisilbi sa kapulisan sa Bula pirmado ni Hon. Judge Jerome Beatisola sa Branch 22 RTC 12.
Ang ikaduhang gidakop mao si Felomino Medel, 39-anyos, ulitawo nga company driver, nagpuyo sa Apitong street, Balite, Brgy.Lagao.
Sa bahin ni Medel mokabat sa P120,000 ang pyansa nga girekomenda sa korte alang sa iyang temporaryo nga kagawasan.
Gidakop ang duha, Abril 2 sa kasamtangan nga tuig. I Ver Diazon
