MISMO si City Mayor Lorelie Geronimo Pacquiao ang miatubang ug mitubag sa mga concerns sa mga katawhan sa Barangay Katangawan atol sa gipahigayong Mayor’s Hour sa Serbisyong Heneral Marso 20, 2023.
Giubanan ang mayor ni Barangay Captain Maureen Rodriguez, First Gentleman Bobby Pacquiao ug Kagawad Dr. Odjok Acharon sa pagtubag sa mga problema sa katawhan sa barangay.
Ang Serbisyong Heneral usa ka aktibidad sa pagpanguna sa Integrated Barangay Affairs nga nagtumong nga mahatod ang nagkadaiyang serbisyo sa mga barangay sa GenSan kauban mga stakeholders, kapulisan, kasundalohan, mga local government unit hangtud sa mga non-government agencies.
Gihatod sa Serbisyong Heneral ang health and wellness, regulatory and statutory, education, scholarship and advocacy, employment and entrepreneurship, agriculture, animal welfare, and social services.
