GIPANGUNAHAN ni Sarangani Gov. Rogelio Pacquiao ang pagpanghatag og cash assistance sa 117 ka households sa Malungon ug Alabel aron tabangan makarekober gikan sa nahitabong flash flood niadtong Nobyembre 2022.
Ang pag-release sa assistance ang gipahigayon sa managlahing lugar, sa Malungon adunay 80 ka households ug 37 sa Alabel.
Butyag ni Edith Mahilum, officer-in-charge sa Provincial Social Welfare and Development Officer grabe kaayo ang epekto sa flash flood sa mga katawhan labi pa sa mga kabataan.
Pinaagi sa Executive Order No. 33 series of 2022 napondohan ang maong ayuda sa mga biktima sa flash flood pinaagi sa supplemental budget no. 5 miaging tuig.
Ang apektadong mga pamilya nga adunay totally damage nga balay nakadawat og tag P10,000 samtang kadtong partially damaged ang balay tungod sa pagbaha ang nakadawat og P3,000.
Kahinumduman nga niadtong Nobyembre 2022 tungod sa kusog nga pag-ulan sa southern part sa Mindanao, mugna sa intertropical convergence zone, naguba ang pipila ka balay ug mibakwit ang daghang pamilya.
Photo by Sarangani Provincial Information Office
