Nagrambol ru mga binatilyo sa sangka resto bar sa Brgy. Tambak, New Washington, Aklan ku nagtaliwan nga gabie.
Suno kay Brgy. Capt. Lucille Macario, dayo sa lugar ru mga imbolbado sa rambol rason nga sambilog raya sa mga problema sa barangay.
Nag-angkon it esturbo ag maka apekto sa andang turismo sa lugar dahil ru Brgy. Tambak sa New Washington hay sambilog eon nga gina adtunan it publiko bilang tourist destination maeapit sa Kalibo.
Makita sa CCTV footage nga nagsaeakitan ru daywang grupo it mga binatilyo sa bago umabot ru mga pulis ag MDRRMO-New Washington sa lugar.//MARIVIC Y. ILIN
