Patay ang isang babae matapos na barilin ng hindi pa nakikilalang suspek/ mga suspek sa Purok Tagumpay, Bgy. Panitian , Sofronio Española Palawan.
Sa inisyal na impormasyon mula kay kagawad Franci Tejano, tinatayang bago mag-alas otso kagabi, July 6, 2022 binaril ang babae sa harap ng tindahan.
Dagdag ni kagawad, bibili lang sana ng softdrinks ang babae nang ito ay barilin na tinamaan umano sa likod at bandang balikat.
Kinilala ng Española PNP ang nasawi na si Angelica “Izang” Musa 28 anyos, housewife na nakatira sa Barangay Panitian, Sofronio Española.
Ayon sa Española PNP, di umano ay riding in tandem ang suspek.
Samantala, patuloy na nagsasagawa ng manhunt operation ang pulisya sa mga suspek.
