Midangop sa Valencia Police Station ang gatosan ka mga biktima sa pagpangilad sa AGF Trading nga anaa nahimutang sa Balugo, Valencia, Negros Oriental.
Kini human giingong nikalit og kahanaw ang CEO niini nga si Pastor Agustin Fontillas kinsa maoy gitumbok nila nga nagpasiugda niining matang sa negosyo.
Matod pa sa usa sa mga nabiktima nga naengganyo siya sa pag-apil sa maong investment tungod sa kalisud sa panahon karon tungod sa Covid-19 pandemic.
Dugang pa nga gipasaligan sila nga kon mo-lock in og P100,000 mamahimo kining one million hinungdan nga nibutang siya og P600,000. Apan kalit lang nga nawala ang nagpasiugda niini nga si Fontillas
Ang maong mga biktima gikatakdang modangop usab sa National Bureau of Investigation o NBI aron matabangan sa paghan-ay sa kaso nga ipasaka batok kang Fontillas. .//Glennel D. Cuyos
