Malipayon ang mga benepisyaryo sang Tulong Panghanapbuhay sa Ating Disadvantaged/Displaced Workers (TUPAD) Program sang DOLE nagikan sa banwa sang Panay, Ivisan kag Sapian matapos nakabaton sang payout.
Ang distribusyon ang ginpangunahan ni Governor Fredenil Castro, kaupod ang Department of Labor and Employment (DOLE) kag Public Employment Service Office – Capiz (PESO-Capiz).
Ang TUPAD Program sang DOLE nagahatag sa dugang nga paglaum kag kusog sa mga tawo pinaagi sa paghatag sang temporaryo nga trabaho kag nagaabot sang P4,800 nga kantidad para sa serbisyo nga ginhatag sang pumuluyo.
Nahibaluan ang banwa sang Panay ang may yara sang masobra 200 ka mga benepisyaryo, Sapian – 250 samtang ang Ivisan ang may yara sang 270 beneficiaries. | Judy Ann Juare
