Nagtakda ng patakaran ang Department of Migrant Workers (DMW) sa mga barko na lumalayag sa Red Sea na may sakay na Filipino seafarers.
Ayon kay DMW Secretary Hans Leo Cacdac, hindi na papayagang mag sakay ng Filipino seafarers ang mga may-ari ng barko na una nang inatake sa Red Sea, lalo na kung dadaan ito sa kaparehong ruta at sa Gulf of Aden.
Pero paglilinaw ni Cacdac, walang problema kung sa ibang ruta dadaan.
Nabatid na may karapatan ang mga Filipino seafarers na tumangging lumayag kung ang sinasakyan nilang barko ay dadaan sa mga natukoy na high-risk areas at war-like zones.
