Hindi nakaligtas ang bayan ng Patnanungan, Quezon sa hagupit ng bagyong Aghon ng ito ay mag landfall sa nasabing bayan alas-7:00 ng gabi nitong Linggo, Mayo 26.
Maraming mga bangka ang nawasak at lumubog sa sa iba’t-ibang barangay na siyang pangunahing ginagamit panghanapbuhay ng mga residente ng lugar.
Ilang lugar din ang nakaranas ng pagbaha at winasak din ng lakas ng hangin at ulan dala ng bagyo ang ilang mga kabahayan sa naturang bayan.
Sa ngayon, wala pang suplay ng kuryente sa lugar at hirap pa rin sa signal ng telepono.
Samantala, nakaranas din ng pag baha ang ilang bahagi ng bayan ng Burdeos, Quezon dulot ng malakas na ulan dala ng bagyong Aghon.
