Nagkadaiyang matang sa armas, mga bala ug droga ang nakumpiska sa mga sakop sa Task Force (TF) Davao gikan sa duha ka indibidwal nga naharang sa checkpoint sa Calinan, Davao City.
Ang duha giila nga sila so Michael John Burias Lantoria, 40-anyos nga taga Cagayan de Oro City ug usa ka Sebastian Quiblat, 61-anyos residente sa Misamis Oriental sakay sa ilang pick-up.
Dihang girekisa ang mga dala nitambad ang lima ka pakete sa gitoohang droga mokantidad og P48, 000.00 ug mga armas.
Ang mga narekober gilangkuban sa 43 ka 9mm pistols, 18 shotguns ug usa ka 380 pistol nga nakarehistro sa Delphian Security Agency apan walay bitbit nga Travel Authority/Permit to Transport ang mga suspek.
Kasong paglapas sa RA 9165 ug RA 90591 ang atubangon sa mga suspek nga gibalhog sa Calinan PNP. BNFM-DAVAO
