ILOILO — Parehung napreso bangud sa illegal nga droga ro daywa sa mga biktima it ambush sa Barangay Aglalana, Passi City, Iloilo.
Nasayuran nga tatlong buean paeang ro nakataliwan kat nakaguwa it presuhan ro biktimang si Jennylyn Juliano Griño nga nadakpan sa sangka drug buy bust operation.
May karelasyon segun raya nga eaeaki nga taga Capiz ag halin nga nakahilway hay sa Roxas City eon imaw nagatinir.
Si Griño, 32yo it Tanza Esperanza, Iloilo City Proper hay namatay sa nasambit nga ambush.
Sa pihak nga parte, ro sambilog pang biktima nga si Kenneth Dorado it Bahit, Panit-an, Capiz hay nadakpan ku 2009 sa drug buy bust sa Roxas City ag 2016 kat nakahilway ag may kaso pang frustrated murder.
Si Dorado hay naninahan sa natabo nga ambush. / ANN DESLENE SALAZAR
