NAGA CITY – Hinihingi ngayon ng Metropolitan Naga Water District ang tulong ng mga barangay opisyal para masupil ang paglalagay ng booster bump na illegal na ikinakabit direkta sa linya ng tubig sa ilang mga kabahayan,dahilan para o humina o tulyang mawalan ng supply ng tubig ang mga katabing bahay.
Sa pahayag sa Brigada News FM Naga ni Choppy Dela Cruz, Spokesperson ng MNWD, sinabi nyang ang mga barangay opisyal ang may police power para magsagawa ng pag inspection sa mga bahay na pinaghihinalaan nilang mag ganitong illegal connection.
Anya’y sinubukan na rin nilang mag inspection sa mga bahay subalit pinagsasarhan lamang sila ng pinto at hindi pinapatuloy kaya hirap silang matukoy kung alin ang mga sisitahin nilang mga violators.
