-Reymund Titong
KABANKALAN CITY, Negros Occidental — Wala may gaka kita nga problema ang Municipal Environment and Natural Resources Office (MENRO) sang Candoni samtang nagapadayon nga P2-billion pesos palm oil project sa Barangay Gatuslao.
Pahayag ni Candoni MENRO officer kag municipal agriculturist Eduardo Florendo, sa subong, wala may gakakita nga kahalitan sa dunang manggad ang proyekto sang Hacienda Asia Plantations Incorporated (HAPI) nga palm oil project sa banwa, matapos sini makuha ang Integrated Forest Management Agreement (IFMA) sa Department of Environment and Natural Resources sang 2009 nga may kalaparon nga masobra 6-mil ektaryas.
READ: Mga pumuluyo na-kunsolta antis nagsugod ang P2-billion palm oil project sa Candoni
Dugang pa niya, ang mga ginakabalak-an sang iban nga mga grupo kag residente nga pagkahigko sang tubig, erosion, biodiversity imbalance, kag iban pa, ang monitored sang MENRO, paagi sa pagpadala sang mga persona nga magasekyar sa lugar kada semana, agud hugot nga malantawan kun naga biolar sila sa mga environmental laws.
READ: Mga residente, pabor sa sitwasyon sang Candoni sa subong kun e-kumparar sang una
READ: Mga pananum sang mga mangunguma sa Candoni, apektado bangud sa palm oil project
Sa piyak nga bahin, ang pagkahangawa sang pipila ka residente sa posibilidad nga pag-gamit sang pesticide sang HAPI sa ila palm trees, ang “indi posibli,” sa rason nga may mga biological pests nga yara sa mga puno sang palma nga kun sprayahan sang mga toxic chemicals, ini ang magkalamatay kag ang tunaan naman sang indi pag bunga sang palma.*
