Ginahingyo kang Municipal Environment and Natural Resources Office (MENRO) San Jose de Buenavista ang mga pumuluyo, institusyon, kag tag-iya kang mga establishimento nga ipatuman ang insakto nga pagpain kang basura bangud buta ron ang sanitary landfill sa Barangay Pantao.
Ginpahayag ni San Jose de Buenavista MENRO chief Madelyn Pagunsan, nga ang andang banwa ang may mataas nga volume kang waste generation bilang dya man ang sentro kang mga Negosyo sa probinsya.
Na man-an nga ang banwa lang kang San Jose de Buenavista ang nagaisarahnon nga banwa sa probinsya nga may sanitary landfill.
Sa kadya, samtang nagasagap pa ang local nga pamunuan kang banwa para sa expansion kang sanitary landfill, ginalauman bahul ang ma bulig kang insakto nga pagpain kang mga basura.
