San Jose, Antique – Pilasun nga gindara sa Culasi District Hospital ang 21 anyos nga si TJ Mabaquiao, estudyante kag residente kang Barangay Martinez, Tibiao, Antique matapos nga dya ang ginbuno kang sangka menor-de-edad las-2:30 kaina kang kaagahun, Mayo 21, 2024 sa Brgy. Lapaz, Tibiao, Antique.
Suno sa mga kapulisan, may nagtuhaw nga indi pag-intindihanay sa tunga kang darwa kag sa wara kang ano man nga rason, hinali dya nga ginbuno kang menor-de-edad gamit ang matarum nga bagay sa diin gindara ang biktima sa nasambit nga ospital apang ginsaylo man sa Angel Salazar Memorial General Hospital para sa pagbulong.
Temporaryo naman nga ginpaidalum sa kustodiya kang WCPD PNCO kang Tibiao Municipal Police Station ang menor-de-edad kag igatugyan sa MSWDO.
