Iga-launch sa liwan kang gobyerno probinsyal kang antique ang provincewide “Libreng Tuli” kadya nga tuig.
Una nga gin-implementar ang programa paagi sa Provincial Health Office (PHO) kang 2018 apang nauntat bangud sa outbreak kang COVID-19 pandemic gani sa kadya nga natapos ron ang pandemya, igalunsyar liwan ang nasambit nga programa sa walo ka government hospitals sa probinsya.
Lakip sa mga ospital amo ang Justice Calixto O. Zaldivar Memorial Hospital para sa mga banwa kang Libertad kag Pandan; Culasi District Hospital para sa Culasi kag Sebaste; Bugasong Medicare Community Hospital para sa Bugasong, Laua-an, kag Patnongon; Pedro L. Gindap Municipal Hospital para sa Barbaza kag Tibiao; Valderrama Municipal Hospital para sa banwa kang Valderrama; Ramon Maza Sr. Memorial District Hospital para sa Sibalom kag San Remigio; President Diosdado Macapagal District Hospital para sa Tobias Fornier kag Anini-y; kag Angel Salazar Memorial General Hospital para sa Belison, San Jose, kag Hamtic.
Kada ospital ang sarang maka akomodar kang 100 ka mga katawhan sa diin target nga pasyente ang may edad 10 ka tuig pataas.
Photo: Province of Antique
