Arestado ng mga tauhan ng Regional Anti-Cybercrime Unit 5 sa Ligao City, Albay ang isang menor de edad dahil sa pagpapakalat ng nude photos at videos ng kanyang pinsan online
Ayon kay ACG Acting Director BGEN RONNIE FRANCIS CARIAGA, Acting Director, lumabag ang menor de edad na si alias “Ikay” sa RA 11930 o 11930 or the “Anti-Online Sexual Abuse or Exploitation of Children (OSAEC) and Anti-Child Sexual Abuse or Exploitation Materials paglabag sa Cybercrime Prevention Act of 2012 at grave coercion in relation to RA 10175 o Cybercrime Prevention Act of 2012.
Batay sa imbestigasyon, tinakot ni “Ikay” ang kanyang pinsan na si “Neng,” sa pamamagitan ng paghingi ng pera kapalit ng hindi pagpapakalat ng mga hubad na larawan at video nito sa internet.
Nakuha ni “Ikay” ang videos at pictures nito mula sa cellphone ng biktima nang ipahiram ito sa kanya.
Kasalukuyang nasa kustodiya ng City Social Welfare and Development Office ang naturang menor de edad.
