DILI suportado ni Malapatan Mayor Salway ‘Jun’ Sumbo ang pag-lift sa ban sa open-pit mining sa Tampakan, South Cotabato tungod sa mahimong daotang epekto niini sa kinaiyahan.
Dako nga posibilidad nga daghang tawo ang maapektuhan kung ugaling idayon ang pagmina sa lugar. Segun sa Mayor nga tanang lihok nga adunay tumong nga makaguba sa yuta ug mga bukid dili kini dapat tugutan.
Gibutyag niini nga gisabotan sa mga opisyal sa Lungsod sa Malapatan ang pagduso og resolusyon nga gakontra sa maong pagmina. Samtang nanawagan karon sa katawhan ang Diocese of Marbel nga makigduyog kanila sa mga pag-ampo nga i- veto ni South Cotabato Governor Reynaldo Tamayo ang pag-lift sa open pit mining sa lugar. I Enamie Mogpon
