-Reymund Titong
KABANKALAN CITY, Negros Occidental — Tingwaan sang Miranda administration nga masolbar ang problema sang masobra 200 ka mga pamilya sa Barangay Tabugon, syudad sang Kabankalan, nga possibli madulaan sang panimalay sa pag pabor sang korte sa Philippine National Bank (PNB) bilang tag-iya sang 56 ektaryas nga duta nga anay ginapanag-iyahan sang Dacongcogon Producers Farmers Cooperative (DPFC).
Sa interview sang Brigada News FM Kabankalan Kay mayor Benjie Miranda, iya gin-pahayag nga may inisyal na sila nga gina-ubra nga tikang agud nga ma-estorya ang mga katapo sang PNB sa mga possible nga settlements sa duta.
Pahayag ni Miranda, nga ang relokasyon sang mga tawo ang pinakaulihi na nga option bangud kun magpasugot lang man ang PNB nga baklon sang mga pumuluyo ang duta sa insakto nga presyo, dako na nga bulig agud indi na maapektuhan ang ila mga pangabuhian.
Nahibaluan nga lima ka mga purok sang nasambit nga barangay ang posibli ma apektuhan sang writ of possession sang PNB sa duta sa diin nagtukod ang Dacongcogon Sugar Central ang ginalakipan sang portion sang Molave, Red Mahogany, Ipil-ipil, Tar-apple kag Langka.
Ang Dacongcogon Sugar Central ang may kalaparon nga 56.44 ka ektaryas nga ginakabig pinakauna nga galingan sang tubo (sugarcane) nga ginapadalagan sang mga sugar workers sang tuig 1968, kag nagsugod lamang sang galing (mill) sang 1971.
Sang tuig 2008 naman sang opisyal nga nag-sarado ang kompanya bangud sang pagkalugi kag utang sang PNB naga naga balor sang P51.43 million.*
