Sa naging pulong ng Quezon Provincial IATF nitong nakaraang linggo kasama ang iba’t ibang alkalde ng segunda distrito, hiniling ni Mayor Macky Boongaling sa mga nakatataas ang karagdagang mga doktor at isolation facilities para sa bayan ng Candelaria.
Ito ay bunsod umano ng patuloy na paglobo ng bilang ng mga naitatalang kaso ng COVID-19 sa nasabing bayan.
Kasalukuyang puno ang iba’t ibang COVID-19 wards sa dami ng mga nagpopositibo na nangangailangan ng atensyong medikal.
Ayon sa Integrated Provincial Health Office, nakapagtala ang Candelaria ng 27 na mga bagong kaso dahilan para sumampa pa sa 305 ang aktibong kaso ng COVID-19 sa nasabing bayan. | Brian Zagala, BNFM Lucena
