Patay ang sangka lalaki matapos nga ginluthang kang kapulisan bangud sa ginapasuni pagbato kadya alas-11:00 sa tag-irigma, Mayo 21,2024.
Ginkilala ang lalaki kay Cliff Jude Severino 39-anyos kag residente kang Brgy. Inabasan Sur, Hamtic.Naman-an nga nagasuprer ang biktima kang epilepsy kag isara man ka Person With Disability.
Sa panaysayon naman kang pamilya ni Severino, mabuot kag matandos dya samtang suno kay PMAJ Horizon Villanueva, Acting Chief of Police kang Hamtic MPS, nagresponde dya sa lugar bangud sa pagreklamo kang pumuluyo nga may ginsudlan dya nga balay kag rugto nagpanglabo kang mga kagamitan.
Padayon pa ang pagproseso kang mga nagakaigo nga dokumento nga kinahanglanon agud mareport ang nasambitan nga insidente sa Internal Affairs Service (IAS).
May negosasyon pa sa tunga kang kapulisan kag sa lalaki kaimaw kang mga himata kag opisyales kang barangay apang hinali lang dya nga nagmaoy kag ang ginatudlo rason sa pag-trigger kadya amo ang pagsunlog kana kag rugto ron nga nagpanglagas kang mga pumuluyo kag maswerte naman nga wara kang may napilasan sa natabo.
Sa kadya, padayon pa ang pagproseso kang mga nagakaigo nga dokumento nga kinahanglanon agud mareport ang nasambitan nga insidente sa Internal Affairs Service (IAS).
