TARGET sa otoridad nga makatala og zero incidents atol sa tulo kaadlaw nga Sarangani Bay Festival sa Gumasa, Glan.
Sa security briefing, gilatag ang ilang ipatuman nga seguridad sa mga dapit asa himoon ang mga aktibidad.
Matud ni Police Col. Deanry Francisco, director sa Sarangani Provincial Police Office (SPPO) mokabat sa 807 security forces ang ipakatag.
Kini aron bantayan ang seguridad sa mga venue sa Mindanao’s biggest beach party nga mao ang Sarbay fest.
Bawal sulod sa mga venue ang backpack, pusil, ubang deadly weapon ug components sa eksplusibo.
Ipatuman usab hugot sa tibuok venue ang pagbawal sa pagpanigarilyo, dugang ni Francisco.
Ipakatag ang mga pulis sa SPPO, PNP-Maritime, Philippine Coast Guard, Navy, Provincial Disaster Risk Reduction Management Office ug kasundalohan.
Magsugod ang aktibidad sa Mayo 24 hangtud na 25 ning tuiga.Gilaoman usab ang pagdagsa sa 150,000 tourist arrival. I Richel Gubalani
