KALIBO, AKLAN — Eubos ro pagkanugon it tag-ana it sangka boutique matapos rayang takawan.
Suno kay Mr. JB Villanueva, tag-ana it Estilo Clothing nga nahamtang sa 19 Martyr’s St., Kalibo, masobra P40,000 ro balor it mga baligya nga tinakaw sa andang establisyemento.
Kaeakip segun sa mga tinakaw it owa pa nakilaea nga suspek hay mga branded nga tsinelas, eambong, saewae, kaeo, medyas ag cash nga P2,000.
Sa likod segun umagi ro suspek bangud samad eon ro padlock it pirtahan sa nasambit nga boutique nga bag-o pa eamang nga bukas.
Padayun man ro imbestigasyun it mga kapulisan sa insidente. / ANN DESLENE SALAZAR
