Kapin sa 40 ka Child Laborers sang Barangay Lat-asan ang nakabaton sang nagkalain-lain nga mga food packs nagikan sa LGU Panay, Department of Labor and Employment (DOLE), Kiwanis International kag Philippine Dental Association Capiz Chapter.
Ini nga inisiyatibo angut sa programa sang DOLE nga Project Angel Tree, isa ka proyekto angut sa selebrasyon sang World Day Against Child Labor nga tinutuyo nga magserbi bilang isa ka dako nga inisiyatibo sang United Nations batok sa Child Labor.
Kaupod man diri si Dra. Sharon Acepcion-Ravena kag katapo sang Philippine Dental Association – Capiz Chapter nga nagpatigayon sang Dental Mission, Panay PESO Manager Ivy Pfleider, DOLE Capiz, Barangay Officials sa Barangay Lat-asan, kag Kiwanis International. | Judy Ann Juare
