KALIBO, AKLAN—Masobra 26 mil nga mga turista do nagbakasyon sa isla it Boracay para sa bilog nga buean it Hunyo.
Base sa datos it Malay Municipal Tourism Office, nakalista it 26,354 tourist arrival umpisa June 1-30,2021 kung siin nagpanguna gihapon kara do mga bakasyunista do halin sa National Capital Region nga umabot it 16,855, nagapangaywa do mga taga-Region IV-A ag nagapangatlo man do mga taga-Central Luzon.
Samtang, positibo man do mga stakeholders sa Boracay nga makakabawi do industriya it turismo sa isla makarung ulihing quarter it dag-on bangud nga amat-amat eon nga nagainabo do mga nagabakasyon nga makabulig agud nga makabangon do mga negosyo ag makabalik man do maabong trabahador nga naduean it trabaho. // SHERRY ANNE REUNIR-VIDAL
