Base sa Overseas Workers Welfare Administration (OWWA), 104,100 ka mga Overseas Filipino Workers (OFWs) nga residente it Western Visayas, ro andang napauli halin nga nagumpisa ro Coronavirus pandemic.
Ro probinsiya it Iloilo ro may pinakamataas nga numero it mga repatriated OFWs nga naga-abot sa 37,120. Negros Occidental nga may 19,483; Iloilo City nga may 10,279; Bacolod City nga may 10,242; Capiz nga may 9,839; Antique nga may 7,350; Aklan nga may 6,650; ag Guimaras nga may 3,142.
Raya ro mga OFWs nga distressed, displaced, nagabaksyon, o end of contract.
Ro OWWA-6 hay mata-o man it bulig sa mga OFWs nga distressed, displaced, ginmaltrato it mga employers, may mga contract violations, mga end of contract, ag mga naapektuhan it mga kahiwatan sa nasyun nga andang ginapagtrabahuhan.
Sa mga OFWs man nga gusto makabaton it benepisyo sa programa it ahensiya, kinahangean eang nanda nga makipag-angut sa OWWA./JIL B. LACSON
