Ginpatihan nga ro away nga nag-ugat segun sa puno it niyog ro naging rason agud mabaril si Oscar Banate, 46- anyos sa Sitio Naasug, Barangay Majanlud, Sapian, Capiz.
Nag-surrender sa istasyon it pulisya ro suspek ag gumankon man it biktima nga si Jonard Banate nga residente it Barangay Majanlud.
Base kay Sapian chief of police Lieutenant Ma. Nanette Puasan, ro pagpamaril hay natabo ku alas-6 it aga.
Base sa pahayag ni Jonard sa mga pulis nga Self defense eamang ro anang gin-obra bangud naghana ro biktima nga sakiton imaw.
Ginsugod ro bikitma sa Sen. Gerardo Roxas Memorial Hospital sa banwa it Dao kung siin gindeklara raya nga dead-on-arrival.
Sa inisyal nga imbestigasyon, bago pa man ro krimen bukon eun it manami ro relasyon it magtiyo. /JIL B. LACSON
