Masobra 100 ka mga pamilya ang apektado sang sunog nga nagluntad sa Rizal Street, Brgy. VII, Roxas City kahapon nga adlaw sang Martes, Pebrero 27.
Nagdangat sa 103 ka pamilya kag 366 ka mga indibidwal ang nadulaan sang panimalay kun sa diin duha diri ang ginbawian sang kabuhi.
Matandaan, ginkilala ang mga napatay nga sanday Nenita Villaruz, 66-anyos, isa ka pwd kag Nestor Clarito, 78-anyos.
Yara naman sa 15 ka mga classrooms sa Rufina Andrada Santos Memorial School ang akupado.
Ginsiguro sang City Government nga mahatagan sang pagkaon, family kits, sleeping kits, hygiene kits, kitchen kits kag madamo sang iban pa ang mga biktima.
Nagpanghatag naman ang Brigada News FM team sang kaldo kag tinapay sa mga biktima agud makapiyan-piyan sa pihak sang kasubo nga ila nadangatan. | Judy Ann Juare
