ILOILO CITY — Para mapunggan ro mga krimen sa bilog nga syudad it Iloilo, gusto it bag ong gintaeana nga direktor it Iloilo City Police Office (ICPO) nga si Police Colonel Leo Batiles, nga dugangan ro presensya it mga pulis sa mga karsadahon.
Suno kay Batiles, pagapabaskugon it anang mga tawuhan ro andang pakikipagbueoligan sa mga force multipliers kaparehu it mga barangay tanod ag konsehal.
Raya hay bangud ro mga barangay official segun ro unang nakasayud it nagakatabo sa andang lugar rasun nga kinhangean nanda ro aktibong partisipasyon ku mga raya.
Igapatuman man segun ro non-stop checkpoints suno kay Batiles. / ANN DESLENE SALAZAR
