MALAUMON ang market supervisor nga magmalampuson ang paghupot sa komiteba sa panalapi ni Kagawad Vivencio Dinopol gikan kay Kagawad Franklin Gacal Jr. gumikan aduna silay maayong plano alang sa kalamboan sa Central Public Market sa GenSan nga masusama sa Singapore.
Sumala kay Market Supervisor Lito Esclamado tulo ka andana nga building ang plano nga ipatukod sa palengke, mag-utang sa Landbank unya maoy gastuhon ug ang kantidad dul-an sa duha ka billion ka pesos.
Sa personal nga opinyon ni Esclamado pabor siya sa paghupot ni Dinopol sa Komiteba sa Finance kay anaa kini sa neutral ground kay kon kauban lang sa partido naga-ilogay sa komiteba.
Nagapanghinaut si Esclamado nga ma-aprubahan ang plano sa kalamboan sa palengke kay susama kini sa handum sa Ama ng Brigada nga mahimong masusama sa Singapore ang Gensan,ug gidayeg niya ang susamang visionary leader alang sa kalamboan sa syudad. ( Ever Diazon)
