Lumarga na ang marathon plenary deliberations ng Senado para sa propsed P5.768Trillion na National Budget sa susunod na taon.
Pinangunahan ni Senate Committee on Finance Chairperson Senador Sonny Angara ang 2024 General Appropriations Bill kung saan ay inaasahang tatagal ng hanggang November 20 ang deliberations para rito.
Unang nag-interpollate si Senadora Risa Hontiveros – sa kaniyang pagtatanong, idiniin niyang kailangang masiguro na walang mga mispriorities sa budget, at iwasan ang underspending at poor spending ng ilang mga ahensya.
Sabi ni Sen. Angara – ang mga nangungunang agencies na nag-underspend ay ang DICT, DMW, DSWD, DOE at DoT.
Iminungkahi rin ni Hontiveros ang pagkakaroon ng prohibition sa agumentation ng confidential and intelligence funds.
