Patay ang isa ka mangunguma matapos ginbuno sang lalaki nga nagasupreher sang mental illness sa Brgy. Aglanot, Dumarao, Capiz sang tinalikdan nga Agosto 3.
Ginkilala ang biktima kay alyas “Edgar”, 57-anyos, samtang ang suspek amo si alyas Randy, yara sang legal nga pang-edaron, single kag lunsay mga residente sang nasambit nga lugar.
Sandig sa imbestigasyon sang Dumarao Municipal Police Station, nagapungko ang biktima sa bangko sa guwa sang balay ni alyas “Raymundo” kag nagahulat sang panyaga bangud bag-o lang natapos lubong ang ila himata. Ginapahayag nga hinali lang nagpalapit ang suspek kag gingabot ang kutsilyo nga nakasukbit sa hawak sang biktima kag gindusak.
Nag-angkon sang patal nga pilas sa tyan kag nawala nga kamot ang biktima rason nga ini ang ginbawian sang kabuhi.
Sa karon, hilway na sa kustodiya sang Dumarao MPS ang suspek matapos nagtakop na ang iya reglementary period of detention kag maga-areglohanay ang magtimbang nga bahin sa nasambit nga hitabo. | Judy Ann Juare
