Nadawi kang mga otoridad kaangay kang isda si Rodolfo Cumla Jr. alias Papap, 40 anyos, manugpangisda, residente kang Brgy. 4, San Jose, kag ginakabig bilang street level individual sa ginhiwat nga drug buy bust operation kagabi-i, Agosto 6, las-11:39 sa pagpanguna ni PMaj. Geremy Ian Magbanua, Acting COP kang San Jose MPS/SDET, Antique PPO PDEU, kag PDEA-6.
Nabuol sa persona ang ginabanta P170,000 nga balor kang ginapatihan shabu nga may kabug-atun kang ginabanta 25 grams sa diin 4 ka sachet ang nabuol sa anang paghinakup kag sangka sachet naman ang nabakal kang poseur buyer sa baylo kang P5,500 nga boodle money.
Sa kadya, ang persona ang napreso sa San Jose MPS kag magapangatubang kang kaso nga paglapas sa layi tuhoy sa iligal nga droga.
