Pilasun nga gindara kang MDRRMO-Belison sa Ramon Maza Sr. Memorial District Hospital sa banwa kang Sibalom si Federico Sanchez, 44 anyos, kag residente kang Brgy. Poblacion, San Remegio matapos nga aksidente ka dya mabungguan ang sangka pick-up truck nga ginamaneho ni Marian Niety Arcolas, 38 anyos, kag residente kang Brgy. Malabor, Tibiao sa kurbadahun nga karsada kang Brgy. Poblacion, Belison kang Agosot 6, las-6:40 sa aga.
Suno sa impormasyon kang kapulisan, samtang nagabyahe si Sanchez sakay kang anang motorsiklo halin sa San Jose kang paadto kun daad sa Belison, samtang parapit sa kurbadahun nga bahin kang karsada, naglapaw dya sa pihak nga linya kag rugto ron dya aksidente nga nakabunggo sa duag puti nga ford ranger nga paadto naman sa baliskad nga direksyon.
Samtang sa kustodiya naman kang Belison Municipal Police Station ang mga sarakyan nga nag-angkun kang wara pa ma man-an nga balor kang kahalitan para sa nagakaigo nga tikang.
